“Bazakohlwaywa iwaka leeranti abantu ababhaqwe belahla inkunkuma kwindawo ekungafanelekanga balahle kuyo”
La ngamazwi ka Nkskz uNosiphiwe Speelman nonguMphathi oyintloko kuhanjiso lweenkonzo ekuhlaleni.
Oku ukutsho ngelixa uMasipala we Raymond Mhlaba ebembisene ne African Foot Print of Hope becoca indawo ezimdaka eDikeni namhlanje umhla wesine kweyeSilimela.
Uhambise wathi oka Speelman, “eliphulo balenza rhoqo nge kota watsho ebongoza abahlali bafake isandla ekugcineni iindawo abahlala kuzo zicocekile nanjengoko ililungelo labo ukuhlala endaweni ecocekileyo ne khuselekileyo.”
Iindaba zihambisa zithi eliphulo nelishiye iindawo ezifana neGolf Course, Happy Rest nedolophu yase Diken zibetha umoya belikhokelwa ngu Ceba ka wadi 6 uMnu. Unathi Ngcume nogxa bakhe uCeba Mjo no Mgudlwa.
Ukanti eliphulo belikwaqhutywa phantsi kweliso elibukhali le supervisor yezamanzi nendlela uMnu uThemba Jackson.
Abahlali baliqhwabele izandla eliphulo nangona bambi besithi ayikho imigqomo yokulahla inkukuma kwezinye iindawo yilonto belahla naphi na.
Abahlali bayacelwa bamazise umaspala ngendawo ezimdaka ingakumbi xa bengenazixhobo namandla okwenza oko afake isandla.
